შირაქის „მშრალი პორტის“ პროექტმა გაიარა ტექნიკურ-ეკონომიკური დასაბუთება და შედეგად შეგვიძლია განვაცხადოთ, რომ „მშვიდობის გზაჯვარედინზე“ პროექტის გაშვების, განხორციელების და მშვიდობის დამყარების შემთხვევაში ეს პროექტი უაღრესად განხორციელებადია. ამ შემთხვევაში „მშრალი პორტი“ გახდება სერიოზული რეგიონალური სატრანსპორტო კვანძი, ამის შესახებ სომხეთის რესპუბლიკის ეკონომიკის მინისტრმა გევორგ პაპოიანმა 2024 წლის შემაჯამებელ პრესკონფერენციაზე განაცხადა.
მან ხაზგასმით აღნიშნა, რომ ემზადებიან „მშვიდობის გზაჯვარედინის“ განსახორციელებლად არა მხოლოდ პოლიტიკურ მესიჯებში, არამედ ქმედებებშიც.
„მშვიდობის გზაჯვარედინზე“ რეალურად არის არა მხოლოდ იდეოლოგია, არამედ კონკრეტული პროგრამა და ეს კონკრეტული პროგრამა გულისხმობს, პირველ რიგში, ჩრდილოეთ-სამხრეთის გზის დაწყებას, ჩრდილოეთ-სამხრეთის გზის მშენებლობას და. მოგეხსენებათ, ჩრდილოეთ-სამხრეთის გზა ამჟამად მიმდინარეობს”, – განაცხადა პაპოიანმა და აღნიშნა, რომ შემდეგ ეტაპზე ის სარკინიგზო ქსელის განვითარებას გულისხმობს.
პაპოიანმა ასევე აცნობა, რომ მოსალოდნელია შეკვეთილი იქნას უფრო სიღრმისეული ტექნიკურ-ეკონომიკური შესწავლა, რომელიც დაკავშირებულია ამ უკანასკნელის ეკონომიკური შედეგების საბოლოო გაანგარიშებასთან.
„ამ შემთხვევაში დამატებითი ინვესტიციები იქნება დაახლოებით $50 მილიონი და ეს დისკუსიები სხვადასხვა კომპანიებთან მიმდინარეობს.
„ბუნებრივია, ეს არის პროცესი, რომელიც უნდა იყოს შერწყმული „მშვიდობის გზაჯვარედინთან“, – განაცხადა მან.
