სომხეთი ამერიკის შეერთებულ შტატებთან იწყებს მოლაპარაკებებს ბირთვული თანამშრომლობის შესახებ შეთანხმებაზე, რომელიც ცნობილია როგორც „123-ე შეთანხმება“.
Armenpress-ის ინფორმაციით, ამის შესახებ ვაშინგტონში სომხეთ-აშშ სტრატეგიული პარტნიორობის ქარტიის ხელმოწერის ცერემონიაზე გამოსვლისას განაცხადა სომხეთის საგარეო საქმეთა მინისტრმა არარატ მირზოიანმა.
„ჩვენ ასევე ვიწყებთ მოლაპარაკებებს აშშ-თან ბირთვული თანამშრომლობის შესახებ შეთანხმების თაობაზე, რომელიც ცნობილია როგორც „123-ე შეთანხმება“. ის შექმნის თანამშრომლობის ჩარჩოს ბირთვული ენერგიის მშვიდობიანი მიზნებით გამოყენების საკითხებში და აღნიშნავს ჩვენს ერთგულებას ბირთვული ენერგიის მშვიდობიანი განვითარებისადმი უსაფრთხოების და გაუვრცელებლობის უმაღლესი სტანდარტებით“, – განაცხადა მირზოიანმა.
