სომხეთში ახალგაზრდად ჩაითვლება13-35 წლის პირი

ეროვნულ ასამბლეაში სომხეთის რესპუბლიკის განათლების, მეცნიერების, კულტურისა და სპორტის მინისტრის მოადგილემ არტურ მარტიროსიანმა წარადგინა კანონპროექტი „ახალგაზრდული პოლიტიკის შესახებ“.

 „არსენპრესის“ ინფორმაციით, კანონი განმარტავს, თუ რა ასაკობრივ ჯგუფს ისახავს მიზნად ახალგაზრდული პოლიტიკა։

„მანამდე, თუმცა კანონი არ არსებობდა, სხვადასხვა კანონქვემდებარე აქტებში ახალგაზრდობის ასაკი 16-30 წელი იყო განსაზღვრული. ზოგიერთ პროგრამაში, მაგალითად,  საცხოვრებლის  ახალგაზრდა ოჯახებისთვის შეღავათიან ფასებში შეძების 2011 წლის პროგრამაში ის 35 წლამდე გაფართოვდა.

 „ახალი კანონი ადგენს, რომ სომხეთში 13-35 წლის პირი ახალგაზრდად ითვლება“, – განაცხადა არტურ მარტიროსიანმა ასევე განმარტა, თუ რატომ შემცირდა და გაიზარდა ასაკობრივი ზღვარი. „13 წლიდან ახალგაზრდებთან მუშაობა, პროფესიული ორიენტაციის უზრუნველყოფა და მათი ფსიქოლოგიური მახასიათებლების შესაბამისი პროგრამების განხორციელება ყველაზე ეფექტურია. ეს არის საუკეთესო ევროპული გამოცდილება. მეორე მხრივ, 30-35 წლის მოზარდების ჩართვა ჩვენი დემოგრაფიული პრობლემებით არის განპირობებული. „სომხეთში ახალგაზრდები ხშირად იღებენ მნიშვნელოვან ცხოვრებისეულ გადაწყვეტილებებს გვიან ეტაპზე“, – განაცხადა მინისტრის მოადგილემ.