სომხეთის თავდაცვისუნარიანობა დამსახურებულად უნდა შეფასდეს – ირანის ელჩი
სომხეთში ირანის ელჩის განცხადებით, ირანი დიპლომატიური არხებით ყველაფერს გააკეთებს, რათა თავიდან აიცილოს ახალი ესკალაცია სამხრეთ კავკასიაში.
“არმენპრესის” ცნობით, ეს მოსაზრება პრესკონფერენციაზე ირანის საგანგებო და სრულუფლებიანმა ელჩმა სომხეთის რესპუბლიკაში მეჰდი სობჰანიმ გამოთქვა, კითხვაზე, თუ რა ნაბიჯებს გადადგამს ირანი, თუ მის მიერ წამოყენებული წითელი ხაზები გადაიკვეთება და აზერბაიჯანი სომხეთს დაესხმება.
ჩვენ მხარს ვუჭერთ საკამათო საკითხების დიპლომატიური დიალოგის გზით გადაწყვეტის მიდგომას და ცალსახად ვეწინააღმდეგებით რეგიონული საკითხების ძალის გამოყენებით გადაწყვეტას.
ჩვენ ყველაფერს გავაკეთებთ, ისევე როგორც ჩვენი ურთიერთობა აზერბაიჯანთან და სხვა ქვეყნებთან, რათა კავკასიის რეგიონი არ გადავიდეს დაძაბულობის ახალ ფაზაში.
დერეფნის გასახსნელად ძალის გამოყენებას ახსნა არ აქვს. ირანი იზიარებს სომხეთის აზრს, რომ გზებზე, რომლებიც გადის რომელიმე ქვეყნის ტერიტორიაზე, უნდა მოძერაობდნენ ამ ქვეყნის სუვერენიტეტის ქვეშ.
ეს ასევე საერთაშორისოდ აღიარებული უფლებაა. თუ სომხეთის წინააღმდეგ აგრესია განხორციელდება, მე მჯერა, რომ პირველ რიგში სომხეთი შეძლებს თავის დაცვას.
„სომხეთის თავდაცვის შესაძლებლობები არ არის სუსტი და ეს შესაძლებლობები დამსახურებულად უნდა შეფასდეს“, – განაცხადა ელჩმა სობჰანიმ.
