საფრანგეთში სომხურ ორგანიზაციებს სურთ  მიაღწიონ ალიევის სისხლისსამართლებრივ დევნას

საფრანგეთში სომხური ორგანიზაციების საკოორდინაციო საბჭომ (CCAF) მიმართა სისხლის სამართლის საერთაშორისო სასამართლოს (ICC) აზერბაიჯანის პრეზიდენტის ილჰამ ალიევის წინააღმდეგ საქმის აღძვრის მოთხოვნით.

საბჭო იუწყება, რომ სარჩელი შეტანილი იქნა ფრანგი ადვოკატის სევაგ ტოროსიანის მეშვეობით, რომელიც არის პარიზის ადვოკატთა ასოციაციის და ICC-თან დაკავშირებული ადვოკატთა პალატის წევრი.

დოკუმენტში ხაზგასმულია, რომ აზერბაიჯანის სამხედრო ოპერაციებმა მთიან ყარაბაღში 2020 წლის 27 სექტემბრიდან 2023 წლის 4 ოქტომბრამდე გამოიწვია 120 000 სომეხის იძულებით გადაადგილება და მათი მრავალსაუკუნოვანი კულტურული მემკვიდრეობის დაკარგვა.

მანამდე, ICC-ის პირველმა პროკურორმა, ლუის მორენო ოკამპომ, ისევე როგორც არაერთმა საერთაშორისო უფლებადამცველმა ორგანიზაციამ, შეაფასა  ეს მოვლენები, როგორც გენოციდი, კაცობრიობის წინააღმდეგ ჩადენილი დანაშაულები და ომის დანაშაულები.

საბჭო ითხოვს ICC პროკურორს, რომის სტატუტის მე-15 მუხლის შესაბამისად, გადადგას შემდეგი ნაბიჯები:

აღიარონ საკმარისი საფუძვლების არსებობა მთიანი ყარაბაღის სომხების წინააღმდეგ 2020-2023 წლებში ჩადენილი დანაშაულების გამოძიების დასაწყებად.

სასამართლოს წინასასამართლო პალატაში გადასცეს ICC-ის ტერიტორიული იურისდიქციის საკითხი მთიან ყარაბაღზე.

ილჰამ ალიევის, ისევე როგორც 2020-2023 წლებში მთიან ყარაბაღში ჩადენილი დანაშაულის ყველა თანამონაწილის დაკავების საერთაშორისო ორდერის გაცემა.

CCAF-ის თანათავმჯდომარეებმა არა თორანიანმა და მურად პაპაზიანმა ადრე მოუწოდეს საფრანგეთის მთავრობას მიმართოს ICC-ს, მაგრამ, მათი თქმით, დასავლეთს ამ დრომდე არანაირი გადაწყვეტილება არ მიუღია.

„1915 წლის შემდეგ ეს უკვე მეორე შემთხვევაა, როცა სომხები მართლმსაჯულებისგან  ამგვარ უარყოფას განიცდიან. ასეთი ვითარება მიუღებელია“, – ნათქვამია ორგანიზაციის განცხადებაში.