გერმანიის საგარეო საქმეთა მინისტრმა ანნალენა ბერბოკმა პირობა დადო, რომ ვაშინგტონზე უფრო მეტ ზეწოლას მოახდენს, რათა ამერიკული მხარე თავისი პოლიტიკის შედეგების წინაშე პირისპირ წარსდგეს.
”ჩვენ გავზრდით ამერიკელებზე ზეწოლას, რათა მათ გააცნობიერონ, რომ მათ ბევრი რამ აქვთ დასაკარგი, თუ შეწყვეტენ ევროპის ლიბერალური დემოკრატიების მხარდაჭერას”, – თქვა ბერბოკმა და დასძინა, რომ არავის აქვს უფლება მიიღოს გადაწყვეტილება ომისა და მშვიდობის შესახებ უკრაინასტან ან ევროპასთან კონსულტაციების გარეშე.
მან გამოთქვა მოსაზრება, რომ საჭიროა ახალი „გარდამტეხი წერტილი“, როგორც სამი წლის წინ, როდესაც უკრაინაში სამხედრო ოპერაციები დაიწყო.
“მოჩვენებითი მშვიდობა, რომელიც არის შანტაჟი ან კაპიტულაცია, არ არის მშვიდობა. პირიქით, ეს არის მზადება კიდევ უფრო დიდი ომისთვის და შემდგომი ძალადობისთვის”, – განაცხადა გერმანიის საგარეო საქმეთა მინისტრმა.
