მოვუწოდებ ადამიანის უფლებათა მომხსენებელს და სპეციალურ წარმომადგენელს სამხრეთ კავკასიაში, სასწრაფოდ გადადგას ნაბიჯები
ეუთოს საპარლამენტო ასამბლეის ზამთრის სესიაზე სიტყვით გამოსვლისას სომხეთის რესპუბლიკის ეროვნული ასამბლეის წევრმა, ლილით გალსტიანმა ისაუბრა აზერბაიჯანის დაუსჯელობაზე, არცახი სომხების დაბრუნების უფლებაზე, საერთაშორისო ორგანიზაციების ორმაგ სტანდარტებზე, ეუთოს საპარლამენტო ასამბლეის უფლებამოსილებაზე და ბაქოში დატყვევებული არცახის ხელმძღვანელობის სადამკვირვებლო ჯგუფის გაგზავნაზე.
„ბევრი ჩემს ქვეყანაში ეჭვქვეშ აყენებს საერთაშორისო ორგანიზაციების, მათ შორის ეუთოს და მისი საპარლამენტო ასამბლეის გავლენას და ავტორიტეტს, მიაჩნიათ, რომ მათ გადაუხვიეს დეკლარირებულ ღირებულებებსა და ვალდებულებებს.
ჩვენ უნდა ვიყოთ პატიოსნები და ვილაპარაკოთ, რომ უფსკრული ჩვენს რიტორიკასა და რეალობას შორის, დაპირებებსა და ადგილზე განხორციელებულ რეალურ პოლიტიკას შორის, ღრმავდება, რაც სასოწარკვეთილებასა და იმედგაცრუებას იწვევს.
ორი წელი გავიდა მთიანი ყარაბაღის სომეხი მოსახლეობის, ეთნიკურად სომხების იძულებით გადასახლებიდან.
სხვადასხვა საერთაშორისო ორგანიზაციის რეზოლუციებისა და საერთაშორისო სასამართლოს გადაწყვეტილებების უგულებელყოფით, აზერბაიჯანმა განახორციელა ეთნიკური წმენდის აქტი, რითაც აიძულა ძირძველი მოსახლეობა, 120 000-ზე მეტი სომეხი, დაეტოვებინა თავისი წინაპრების სამათასწლიანი სამშობლო.
ეუთოს მინსკის ჯგუფმა და სხვა საერთაშორისო ორგანიზაციებმა მარცხი განიცადეს იმით, რომ აზერბაიჯანს პასუხისმგებლობა არ მოუთხოვიათ გენოციდურ ქმედებებზე და საერთაშორისო სამართლის უხეშ დარღვევებზე. არანაირი ნაბიჯი არ გადადგმულა მთიანი ყარაბაღიდან დევნილი მოსახლეობის უსაფრთხო დაბრუნების უზრუნველსაყოფად. მანამდე კი აზერბაიჯანი აგრძელებს რეგიონის სომხური კულტურული და რელიგიური მემკვიდრეობისა და სომხური იდენტობის ლიკვიდაციას.
ძნელი დასაჯერებელია, რომ გენოციდები ჩვენს დროში „ახალ ბუნებრივ რეალობად“ იქცა.
დღეს, დახურულ კარს მიღმა, ყველა საერთაშორისო ჰუმანიტარული უფლების დარღვევით, ბაქოში სომეხი პატიმრების და არცახის სამხედრო-პოლიტიკური ხელმძღვანელობის მოჩვენებითი სასამართლო პროცესი მიმდინარეობს.
კანონიერი დაცვის ყველა უფლება სასტიკად შეფერხებულია. არსებობს დასაბუთებული ცნობები წამებისა და ძირითადი სამართლებრივი დაცვის უარყოფის შესახებ.
ზემოაღნიშნულიდან გამომდინარე, მოვუწოდებ ჩემს პატივცემულ კოლეგებს, ადამიანის უფლებათა მომხსენებელს და სპეციალურ წარმომადგენელს სამხრეთ კავკასიაში, გადადგან სასწრაფო და პირდაპირი ნაბიჯები ამ მიმართულებით.
ეს არის ბრძოლა ადამიანის საყოველთაო ფუნდამენტური უფლებებისთვის: ღირსებისა და თავისუფლების უფლებისთვის“- აღნიშნა პარლამენტარმა.
