ბაქოს სამხედრო სასამართლოში რუბენ ვარდანიანის საქმის “პროცესი” დღეს გაგრძელდება.
ვარდანიანი შიმშილობს 18 თებერვლიდან, რათა გააპროტესტოს ცრუ სასამართლო პროცესი. თავისი ოჯახის მეშვეობით საერთაშორისო საზოგადოებისადმი მიმართულ მის მიმართვაში ვარდანიანმა აღნიშნა: „უარს ვამბობ ამ ფარსში მონაწილეობაზე, მივმართავ მსოფლიო ლიდერებს, საერთაშორისო ორგანიზაციებს, უფლებადამცველებს, მედიის წარმომადგენლებს.
ეს პროცესი თქვენს ყურადღებას მოითხოვს. სამართლიანობის იმიტაცია არის უკანონობისა და უსამართლობის გამართლება. ასეთი დარღვევების უყურადღებოდ დატოვება გზას გაუხსნის მომავალ ტრაგედიებს, რაც აღძრავს მტრობისა და სიძულვილის ახალ ტალღას. მხოლოდ ჭეშმარიტების, კანონის და ჰუმანიზმის მეშვეობით შეიძლება უზრუნველყოფილი იყოს სამართლიანობა და მშვიდობა რეგიონში.
ვარდანიანის მიმართ აბსურდული ბრალდებებია წაყენებული, რომლებიც დროულად არც კი შეესაბამება მის საქმიანობას და ბიოგრაფიას.
დღევანდელი სხდომა პირველია ვარდანიანის შიმშილობისა და განცხადების შემდეგ.
