ბაქოს სასამართლოში რუბენ ვარდანიანი ცუდად გახდა
მთიანი ყარაბაღის ყოფილმა სახელმწიფო მინისტრმა რუბენ ვარდანიანმა ბაქოს სასამართლოში ჩვენების მიცემაზე უარი თქვა.
ამის შესახებ აზერბაიჯანული მედია იუწყება. მანამდე ვარდანიანმა შიმშილობა გამოაცხადა სასამართლო პროცესის დროს საერთაშორისო და აზერბაიჯანული საპროცესო კანონმდებლობის დარღვევის გასაპროტესტებლად.
გავრცელებული ინფორმაციით, ვარდანიანმა და მისმა ადვოკატმა სასამართლოს შემადგენლობის შესაცვლელად შუამდგომლობა შეიტანეს, მაგრამ ის განუხილველი დარჩა.
სასამართლო სხდომაზე ვარდანიანის მდგომარეობა მკვეთრად გაუარესდა შიმშილობის გამო. სასამართლო იძულებული გახდა გადაედო.
გავრცელებული ინფორმაციით, ვარდანიანს სამედიცინო შემოწმება ჩაუტარდა, რის შემდეგაც მოსმენა გაგრძელდა.
მიუხედავად იმისა, რომ თავს ცუდად გრძნობდა, ვარდანიანს დაუსვეს რამდენიმე კითხვა, მათ შორის სომხეთისა და მთიანი ყარაბაღის ყოფილ მაღალჩინოსნებთან მის კავშირებთან დაკავშირებით.
ვარდანიანმა არცერთ კითხვას არ უპასუხა.
