სომხეთი არ იღებს სომხეთსა და აზერბაიჯანს შორის სამშვიდობო შეთანხმების შეთანხმებული ტექსტის ხელმოწერამდე აზერბაიჯანის მიერ წამოყენებულ წინაპირობებს, მზად არის ხელი მოაწეროს შეთანხმებას და სთავაზობს კონსულტაციების გამართვას კონკრეტულ ადგილას და დროს.
ამის შესახებ ეროვნულ ასამბლეაში ჟურნალისტებთან საუბარში განაცხადა სომხეთის საგარეო საქმეთა მინისტრმა არარატ მირზოიანმა.
შეეხო რა შეთანხმებაზე მოლაპარაკებების დასრულების შესახებ ორივე მხარის განცხადების შემდეგ აზერბაიჯანის მიერ გაჟღერებულ წინაპირობებს, საგარეო საქმეთა მინისტრმა აღნიშნა: “ისინი ადრეც იყო გაჟღერებული. ჩვენ არასოდეს მიგვიღია მათი ლეგიტიმაცია და მათი დღის წესრიგის ნაწილი. ჩვენ არასდროს არ ვაწარმოებთ მოლაპარაკებას ამის შესახხებ. იყო აზრთა გაცვლა ამის შესახებ, რომ თქვეს, რომ ასეთი მოთხოვნა აქვთ, ჩვენ ვთქვით, რომ ჩვენც გვაქვს ასეთი მოთხოვნა, რომ არ ვეთანხმებით მათ მოთხოვნას”.
მირზოიანმა აღნიშნა, რომ არ არის კარგი, რომ ასეთ წინაპირობას აყენებენ.
“ვიმედოვნებთ და მზად ვართ ხელმოწერის დასაწყებად. გუშინაც შევთავაზეთ, რომ დაწყებულიყო კონსულტაციები კონკრეტულ ადგილსა და დროზე. სამწუხაროდ, პარალელური წინაპირობებია. უნდა ვიმუშაოთ, ვნახოთ, როგორ ვიპოვოთ გამოსავალი”, – აღნიშნა მინისტრმა.
მოახლოებულ შეხვედრაზე ამ დროისთვის შეთანხმება არ არის.
“ჩვენ ყოველთვის მზად ვართ შევხვდეთ და გავაგრძელოთ დისკუსიები”, – დასძინა მირზოიანმა.
სომხეთმა და აზერბაიჯანმა 13 მარტს განაცხადეს, რომ მიაღწიეს საბოლოო შეთანხმებას სამშვიდობო შეთანხმების პროექტის ტექსტზე. სომხეთის საგარეო საქმეთა სამინისტრომ გამოაცხადა, რომ მზადაა დაიწყოს დისკუსია ბაქოსთან შეთანხმების ხელმოწერის ვადისა და ადგილის შესახებ.
ტექსტზე მოლაპარაკებების დასრულების გამოცხადების შემდეგაც, აზერბაიჯანი აყენებს წინაპირობებს ხელმოწერისთვის, მაგალითად, სომხეთის კონსტიტუციაში ცვლილებების შეტანის საკითხზე.
