რამდენიმე თვის წინ სომხეთმა ხელი მოაწერა ძალიან მნიშვნელოვან დოკუმენტს აშშ-სთან – სტრატეგიული პარტნიორობის ქარტიას. ეს ამაღლებს ჩვენს ურთიერთობას შეერთებულ შტატებთან. ამის შესახებ ბრაზილიაში ვიზიტის დროს ბრაზილიურ გაზეთ Correio Braziliense-სთვის მიცემულ ინტერვიუში განაცხადა სომხეთის საგარეო საქმეთა მინისტრმა არარატ მირზოიანმა. სომხეთი წინ მიიწევს ამერიკის ახალ ადმინისტრაციასთან თანამშრომლობით.
ჩვენ უკვე გვქონდა რამდენიმე შეხვედრა და კონტაქტი ჩვენს ამერიკელ კოლეგებთან. ჩვენ ვხედავთ დაინტერესებას სამხრეთ კავკასიაში მშვიდობის უზრუნველსაყოფად. პრეზიდენტმა ტრამპმა და მისმა გუნდმა ისაუბრეს მსოფლიოში მშვიდობის შესახებ. ვინაიდან ჩვენ ღრმად ვართ დაინტერესებული მშვიდობით, ეს შთამაგონებელია. ჩვენ კონტაქტში ვართ აშშ-ს ადმინისტრაციასთან, რათა გავიგოთ, რა შეიძლება გაკეთდეს სამხრეთ კავკასიაში მდგრადი მშვიდობის დასამყარებლად“, – განაცხადა სრ საგარეო საქმეთა მინისტრმა.
