გერმანიის პრეზიდენტი ფრანკ-ვალტერ შტაინმაიერი სომხეთს ეწვია. 30 მარტიდან 2 აპრილამდე ის რეგიონული ვიზიტის ფარგლებში სომხეთსა და აზერბაიჯანში იმყოფება. ამის შესახებ მანამდე იტყობინება გერმანიის პრეზიდენტის ადმინისტრაცია. აღინიშნა, რომ ეს არის ფედერალური პრეზიდენტის პირველი ვიზიტი ორ ქვეყანაში. ერევანში დაგეგმილია შტაინმაიერის შეხვედრა სომხეთის პრეზიდენტ ვაჰაგნ ხაჩატურიანსა და პრემიერ-მინისტრ ნიკოლ ფაშინიანთან. ის ასევე ეწვევა TUMO ცენტრს და მიიღებს მონაწილეობას კულტურულ მიღებაში. სომხეთში ვიზიტის მეორე დღეს შტაინმაიერი გაემგზავრება დილიჯანში, სადაც დაგეგმილია სომეხ ქალ მეწარმეებთან შეხვედრა და ურბანული განვითარების პროგრამის გაცნობა. პროგრამა ასევე მოიცავს სევანს, სომხურ ეკლესიას და ჰიდრომეტეოროლოგიურ საზომ სადგურს.
