სომხეთის რესპუბლიკის შეიარაღებული ძალებისა და ირანის ისლამური რესპუბლიკის შეიარაღებული ძალების სპეციალური დანიშნულების ქვედანაყოფები 9-10 აპრილს ჩაატარებენ ერთობლივ წვრთნებს.
როგორც იუწყება Armenpress-ი, სომხეთის თავდაცვის სამინისტროს მიერ გავრცელებულ განცხადებაზე დაყრდნობით, სომხეთის შეიარაღებული ძალების ქვედანაყოფი წვრთნებს სომხეთის ტერიტორიაზე ჩაატარებს, ხოლო ირანის შეიარაღებული ძალების ქვედანაყოფი – ირანის ტერიტორიაზე.
წვრთნების მიზანია სომხეთ-ირანის სახელმწიფო საზღვარზე მდებარე სასაზღვრო გამშვებ პუნქტებზე პირობითი ტერორისტული ჯგუფების თავდასხმების განეიტრალების ქმედებების განხორციელება.
