ნიკოლ ფაშინიანი ოფიციალური ვიზიტით ესტონეთს 27-28 აპრილს ეწვევა, ამის შესახებ სომხეთის რესპუბლიკის პრემიერ-მინისტრის პრესმდივანმა ნაზელი ბაღდასარიანმა განაცხადა.
ესტონეთის მთავრობის ოფიციალური ვებგვერდის ცნობით, ვიზიტის ფარგლებში სომხეთის პრემიერ-მინისტრი შეხვდება ესტონეთის პრემიერ-მინისტრს კრისტენ მიხალს, ესტონეთის პრეზიდენტ ალარ კარისს, ესტონეთის პარლამენტის თავმჯდომარეს, რიიგიკოგუს, ლაური ჰუსარს და საგარეო საქმეთა მინისტრს მარგუს ცაჰკნას. ასევე დაგეგმილია შეხვედრა სომხური თემის წარმომადგენლებთან.
28 აპრილს ორი ქვეყნის პრემიერ-მინისტრების პრესკონფერენცია იგეგმება. პრესკონფერენციის წინ ორმხრივ შეხვედრაზე განიხილება თავდაცვის საკითხები, ორმხრივი ურთიერთობების ხელშეწყობის შესაძლებლობები, ევროკავშირი-სომხეთის ურთიერთობები და საერთაშორისო ორგანიზაციებში თანამშრომლობის საკითხები.
