სომხური კონიაკი  რუსეთის ფედერაციაში ექსპორტზე გატანამდე საქართველოში დაახლოებით 15 დღის განმავლობაში იტესტება

Factor.am-ის რედაქციას სომხეთიდან რუსეთში კონიაკის  ექსპორტიორი სატვირთო მანქანების მძღოლებმა შეატყობინეს, რომ საქართველოს ტერიტორიაზე საქონლის ტრანსპორტირების ორგანიზება შეუძლებელი იყო.

კერძოდ, ერთ-ერთმა სატვირთო მანქანის მძღოლმა განაცხადა, რომ რვა დღეა ელოდება, რადგან ქართულმა მხარემ სომხური ბრენდის ნიმუშები აიღო და კვლევა დაიწყო. იმავე მძღოლმა განაცხადა, რომ წინა შემოწმებისთვის 15 დღე მოუწია ლოდინი. სომხეთის რესპუბლიკის ეკონომიკის სამინისტრომ Factor.am-ს აცნობა, რომ მათთვის ცნობილია ბიზნესმენების მიერ წამოჭრილი საკითხი.

 „ეს ჩვენი ყურადღების ცენტრშია, უფრო მეტიც, საკითხის სისტემური გადაწყვეტის მიმართულებით ინტენსიური ყოველდღიური მუშაობა მიმდინარეობს.“ „უნდა აღვნიშნო, რომ ადრე ყვავილების ექსპორტიორებმა მიმართეს სამინისტროს მსგავს საკითხთან დაკავშირებით და სამინისტროს ეფექტური ძალისხმევის წყალობით, პრობლემა მოგვარდა“, – განაცხადა სამინისტროს პრესსპიკერმა ლილით შაბოიანმა.