5-7 ივნისს ერევანში ქართული კულტურის დღეები გაიმართება

საქართველოს პრეზიდენტმა მიხეილ ყაველაშვილმა განაცხადა, რომ ქართული კულტურის დღეები ერევანში 2025 წლის 5-დან 7 ივნისის ჩათვლით გაიმართება და დასძინა, რომ მოუთმენლად ელის მომავალ წელს თბილისში გასამართ სომხური კულტურის დღეებს. „არმენპრეს“-ის ცნობით, ამის შესახებ საქართველოს პრეზიდენტმა მიხეილ ყაველაშვილმა სომხეთის პრეზიდენტ ვაჰაგნ ხაჩატურიანთან შეხვედრის შემდეგ პრესკონფერენციაზე განაცხადა. „მოხარული ვარ, რომ ქართული კულტურის დღეები ერევანში მიმდინარე წლის 5-დან 7 ივნისის ჩათვლით გაიმართება. „მოუთმენლად ველით მომავალ წელს თბილისში სომხური კულტურის დღეებს, რომლებიც კიდევ ერთხელ წარმოაჩენს სომხური კულტურის მდიდარ მემკვიდრეობას, ტრადიციებსა და თანამედროვე მიღწევებს“, – აღნიშნა საქართველოს პრეზიდენტმა.

ყაველაშვილის თქმით, ორივე ქვეყნის უნიკალური ტრადიციებისა და ისტორიის პატივისცემა და დაფასება არის მთავარი ღირებულებები, რომლებიც აერთიანებს სომეხ და ქართველ ხალხებს. „სახელმწიფო სუვერენიტეტის, ეროვნული იდენტობისა და კულტურული უნიკალურობის დაცვა ჩვენი ქვეყნების მთავარი პრიორიტეტებია“. საქართველოს პრეზიდენტის თქმით, სამაგალითო და საუკუნოვანი სომხურ-ქართული მეგობრობა და სტრატეგიული პარტნიორობა ორ ქვეყანას მყარ საფუძველს აძლევს არსებული უნიკალური ურთიერთობების შემდგომი განვითარებისთვის.