პრესის თავისუფლების ინდექსით რეგიონში ლიდერია სომხეთი –  RSF-ის ანგარიში

ორგანიზაცია „რეპორტიორები საზღვრებს გარეშე“ (RSF) 2025 წლის მსოფლიო პრესის თავისუფლების ინდექსს აქვეყნებს, რომელშიც სომხეთმა წინა წელთან შედარებით თავისი რეიტინგი 9 პოზიციით გააუმჯობესა. 180 ქვეყანას შორის სომხეთმა 34-ე ადგილი დაიკავა. 2024 წელს სომხეთი 71.6 ქულით 43-ე ადგილზე იყო, ხოლო 2023 წელს 70.61 ქულით 49-ე ადგილზე.

სომხეთი პრესის თავისუფლების მხრივ რეგიონში ლიდერია. საქართველო გასულ წელთან შედარებით 11 პოზიციით დაქვეითდა და 114-ე ადგილზეა, აზერბაიჯანი 167-ე ადგილზეა (2024 წელთან შედარებით 3 პოზიციით დაქვეითდა), თურქეთი 159-ე ადგილზეა (2024 წელთან შედარებით 1 პოზიციით დაქვეითდა), ირანი 176-ე ადგილზეა (იმავე ადგილზე დარჩა), რუსეთი გასულ წელთან შედარებით 9 პოზიციით დაქვეითდა და ახლა 171-ე ადგილზეა.