ერევნის მერმა ტიგრან ავინიანმა და საფრანგეთის ქალაქ მარსელის მერმა ბენუა პაიანმა ხელი მოაწერეს დეკლარაციას ძმური ურთიერთობების დამყარების შესახებ.
„არმენპრეს“-ის ცნობით, ამის შესახებ ერევნის მერმა ტიგრან ავინიანმა საკუთარ Facebook გვერდზე დაწერა.
„ერევანი და მარსელი თანამშრომლობის ახალ გვერდს ხსნიან. დღეს, მარსელის მერთან, ბენუა პაიანთან ერთად, ჩვენ ხელი მოვაწერეთ ორმხრივ დეკლარაციას ძმური კავშირების დამყარების შესახებ. ეს ნაბიჯი აყალიბებს ჩვენს ერთობლივ მიზნებს და აძლიერებს 30 წელზე მეტხანს არსებულ პარტნიორობას, რომელიც დაფუძნებულია ურთიერთპატივისცემაზე, ისტორიულ მეხსიერებასა და განვითარების საერთო ხედვაზე. ჩვენი ქალაქები იგივე გამოწვევების წინაშე დგანან: „როგორც ერევანში, ასევე მარსელში, ჩვენ ვცდილობთ შევქმნათ ეფექტური, შეკრული და ადამიანებზე ორიენტირებული ურბანული გარემო. დარწმუნებული ვარ, რომ ხელმოწერილი დეკლარაცია გახდება პროგრამის საფუძველი, რომელიც გამორიცხავს ფორმალობას და გახდება პრაქტიკული შედეგებისა და ურთიერთსასარგებლო პროექტების პლატფორმა.
„ერევანი კვლავაც საიმედო პარტნიორია, რომელიც კონსტრუქციული თანამშრომლობისკენ არის მიმართული“, – წერს ტიგრან ავინიანი.
