ამ დროისთვის, სხვადასხვა შეფასებით, სომხეთის ეკონომიკაში ჩრდილოვანი შემოსავლების 2-3 პროცენტია, რაც დრამებით დაახლოებით 200-300 მილიარდ დრამს შეადგენს.
„არმენპრეს“-ის ცნობით, ამის შესახებ სახელმწიფო შემოსავლების კომიტეტის თავმჯდომარემ, ედუარდ ჰაკობიანმა პრესკონფერენციის დროს განაცხადა. მან აღნიშნა, რომ საქმე ეხება ჩრდილოვან შემოსავალს, ანუ იმას, თუ რამდენი გადასახადი უნდა აეკრიფა კანონმდებლობის მიხედვით, მაგრამ არ აკრეფილა.
სშკ-ის თავმჯდომარის თქმით, ჩრდილოვანი ეკონომიკის მთლიანი მოცულობა, სხვადასხვა შეფასებით, მშპ-ს დაახლოებით 20-22 პროცენტს შეადგენს. „თუ რამდენიმე წლის წინ ეს მშპ-ს 35-40 პროცენტი იყო, ახლა, სხვადასხვა შეფასებით, ის 20 პროცენტის ფარგლებშია“, – განაცხადა სსკ-ის თავმჯდომარემ.
მისი თქმით, სომხეთში ჩრდილოვანი ეკონომიკის მოცულობა ბოლო წლებში განახევრდა.სშკ-მ ასევე აღნიშნა, რომ ჩრდილოვანი ეკონომიკის მოცულობა სექტორების მიხედვით ყველაზე დიდია ვაჭრობისა და მშენებლობის სექტორებში.
