სომხეთისა და საფრანგეთის საგარეო საქმეთა მინისტრებმა განიხილეს ორი ქვეყნის მდიდარი ორმხრივი დღის წესრიგი და ერთობლივად ჩამოყალიბებული ურთიერთობების მოზაიკა, რაც ამ ურთიერთობების სტრატეგიულად შეფასების საფუძველს იძლევა.
ამის შესახებ სომხეთის საგარეო საქმეთა მინისტრმა არარატ მირზოიანმა საფრანგეთის საგარეო საქმეთა მინისტრ ჟან-ნოელ ბაროსთან ერთად გამართულ ერთობლივ პრესკონფერენციაზე განაცხადა. „რა თქმა უნდა, უპირველეს ყოვლისა, ჩვენ განვიხილეთ სომხეთ-საფრანგეთის მდიდარი ორმხრივი დღის წესრიგი და ჩვენი ურთიერთობების ერთობლივად ჩამოყალიბებული მოზაიკა, რაც მათ სტრატეგიულად შეფასების საფუძველს იძლევა.
ამავდროულად, ჩვენი პარტნიორობა ადგილზე ძალიან კონკრეტულ შედეგებს იძლევა, როგორიცაა, მაგალითად, რეკონსტრუირებული ვედის წყალსაცავი, რომელიც არ არის ერთადერთი პროექტი, რომლითაც საფრანგეთი ხელს უწყობს სომხეთის მდგრადობის გაძლიერებას და ასევე მის ეკონომიკურ განვითარებას. ჩვენ ვთანამშრომლობთ ისეთ სფეროებში, რომლებზეც რამდენიმე წლის წინ საუბარიც კი შეუძლებელი იყო. ეს რა ტქმა უნდა სომხეთის პრემიერ-მინისტრ ფაშინიანის და საფრანგეთის პრეზიდენტ მაკრონის დამსახურებაა.
„ასევე, მათ შორის ჩამოყალიბებული პარტნიორობის წყალობით შეგვიძლია გადავდგათ ასეთი დიდი, უზარმაზარი ნაბიჯები სომხეთ-საფრანგეთის მეგობრობის წინსვლისთვის, რომლის საფუძვლებიც ისტორიულ თანაგრძნობაზე, მეგობრობასა და ხალხებს შორის სიყვარულზეა დაფუძნებული“, – აღნიშნა სომხეთის საგარეო საქმეთა მინისტრმა.
სომხეთის საგარეო საქმეთა მინისტრმა დასძინა, რომ შეხვედრის დროს ყურადღება ინფრასტრუქტურის განვითარებას დაეთმო.
„ფრანგული მხარის ინტერესი ამ საკითხის მიმართ იზრდება და უახლოეს მომავალში ძალიან ხელშესახები და კონკრეტული სიახლეები გვექნება. დეცენტრალიზებული თანამშრომლობის განვითარება, თავის მხრივ, მიზნად ისახავს სომხეთისთვის სტრატეგიული მნიშვნელობის რეგიონების განვითარებასა და მათი მდგრადობის გაზრდას. ამ კონტექსტში, ჩვენ ხაზი გავუსვით დეცენტრალიზებული თანამშრომლობის მეხუთე კონფერენციის ჩატარების მნიშვნელობას. აქაც უახლოეს მომავალში ძალიან კარგი და კონკრეტული ამბები გვექნება“, – დააზუსტა სომხეთის საგარეო საქმეთა მინისტრმა.
სომხეთისა და საფრანგეთის საგარეო საქმეთა მინისტრებმა ისაუბრეს ორ ქვეყანას შორის სხვადასხვა ფორმატსა და პლატფორმაზე თანამშრომლობის შესაძლებლობებზე.
„რა თქმა უნდა, ამ კონტექსტში, სომხეთსა და ევროკავშირს შორის პარტნიორობის გაღრმავების კუთხით ჩვენი თანამშრომლობა უმნიშვნელოვანესია. მე მადლობა გადავუხადე ფრანგულ მხარეს სომხეთისადმი მთელი პროცესის განმავლობაში გაწეული მუდმივი მხარდაჭერისა და სომხეთის სურვილების წახალისებისთვის. მაგალითად, ვიზების ლიბერალიზაცია, რომელსაც სომხეთში დიდი მოლოდინები აქვთ. ევროკავშირთან დიალოგი ჩვენი ფრანგი პარტნიორების ძალიან აქტიური მხარდაჭერითა და წახალისებით მიმდინარეობს.
ასევე გამოვყოფდი ევროპული პოლიტიკური საზოგადოების ფორმატს. რამდენიმე დღის წინ ტირანაში სამიტი გაიმართა და გამოცხადდა, რომ 2026 წელს ეს შეკრება ერევანში გაიმართება. ბუნებრივია, ჩვენ დაინტერესებულები ვართ ამ პლატფორმით და პირველივე დღიდან აქტიურად ვმონაწილეობთ. ეს პლატფორმა ჩვენთვის ძალიან ეფექტურია. „საფრანგეთისა და სხვა პარტნიორების მხარდაჭერით, ჩვენ მომავალ საგაზაფხულო ფორუმს სომხეთში ჩავატარებთ“, – დასძინა არარატ მირზოიანმა.
როგორც მან აღნიშნა, რომ ფრანკოფონიის ფარგლებში საფრანგეთთან თანამშრომლობა სომხეთისთვისაც მნიშვნელოვანია. რამდენიმე წლის წინ სომხეთში გვქონდა სამიტი და ახლა კი გაიმართება ფრანკოფონიის სპორტული თამაშები ახალგაზრდების მონაწილეობით.
