სომხეთი 2027 წელს ფრანკოფონიის კულტურის მინისტრების კონფერენციას უმასპინძლებს

კანადის ქალაქ კვებეკში გამართულ ფრანკოფონიის ქვეყნების კულტურის მინისტრების კონფერენციაზე გადაწყდა, რომ კულტურის მინისტრების მე-6 კონფერენცია 2027 წელს სომხეთში ჩატარდება.

კონფერენციას ესწრებოდა სომხეთის რესპუბლიკის განათლების, მეცნიერების, კულტურისა და სპორტის მინისტრის მოადგილე დანიელ დანიელიანი.

სომხეთის წინადადება ერთხმად იქნა მიღებული და შეტანილი კონფერენციის საბოლოო დეკლარაციაში, რომელსაც მალე დაამტკიცებს ფრანკოფონიის საერთაშორისო ორგანიზაცია.

„სიამოვნებით ჩავატარებთ შემდეგ კონფერენციას 2027 წელს სომხეთში“, – ნათქვამია დოკუმენტში, რომელშიც მადლობას უხდიან ჩვენს ქვეყანას კონფერენციის მასპინძლობის შეთავაზებისთვის.

2027 წელს სომხეთი ასევე უმასპინძლებს ფრანკოფონიის საერთაშორისო სპორტულ და კულტურულ თამაშებს.