სასიამოვნოა სომხეთის წამყვანი როლის დანახვა რეგიონულ დიპლომატიაში: ჯოშუა ჰაკი
აშშ-ის სახელმწიფო მდივნის თანაშემწის მოადგილე ევროპისა და ევრაზიის საკითხებში ჯოშუა ჰაკი შეხვდა სომხეთ-თურქეთის ნორმალიზაციის პროცესში სომხეთის წარმომადგენელს, სომხეთის ეროვნული ასამბლეის ვიცე-სპიკერ რუბენ რუბინიანს.
„სასიამოვნოა სომხეთის წამყვანი როლის დანახვა რეგიონულ დიპლომატიაში. პროდუქტიული საუბარი მქონდა სომხეთის მიერ თურქეთთან ურთიერთობების ნორმალიზების მცდელობებზე ეროვნული ასამბლეის ვიცე-სპიკერთან და სომხეთ-თურქეთის ურთიერთობების ნორმალიზების სპეციალურ წარმომადგენელთან, რუბენ რუბინიანთან“, – იტყობინება Armenpress-ი, ჯოშუა ჰაკის სიტყვების თანახმად, რომელიც შეხვედრის შემდეგ სომხეთში აშშ-ის საელჩომ გადასცა.
29 მაისს ერევანში ჯოშუა ჰაკი ასევე შეხვდა სომხეთის საგარეო საქმეთა მინისტრს არარატ მირზოიანს და სომხეთის უშიშროების საბჭოს მდივანს, არმენ გრიგორიანს.
