გორისში ვაღარშ ვაღარშიანის სახელობის სახელმწიფო დრამატულ თეატრში 2-3 ივნისს გაიმართება სომხეთ-საფრანგეთის დეცენტრალიზებული თანამშრომლობის კონფერენცია.
“Armenpress”-ის ცნობით, სომხეთის საგარეო საქმეთა სამინისტრო იუწყება, რომ სიუნიქის სტრატეგიული მნიშვნელობის, სიუნიქის რეგიონსა და საფრანგეთის ოვერნ-რონ-ალპების რეგიონს შორის ყოვლისმომცველი და სამაგალითო თანამშრომლობის გათვალისწინებით, მე-5 კონფერენციის ადგილად შეირჩა ქალაქი გორისი.
კონფერენციაში მონაწილეობის მისაღებად საფრანგეთიდან სომხეთში ჩასულ სტუმრებს შორის არიან მერები, რეგიონული დელეგაციები, პარლამენტარები, მათ შორის საფრანგეთის ეროვნული ასამბლეისა და სენატის სომხეთ-საფრანგეთის მეგობრობის ჯგუფების თავმჯდომარეები ლორან ვოკინი და ჟილბერ-ლუკ დივინაზი, ასევე საფრანგეთის ოვერნ-რონ-ალპების რეგიონის პრეზიდენტი ფაბრის პანკუკი.
სომხეთის მხრიდან ღონისძიებაში მონაწილეობას მიიღებენ სრ საგარეო საქმეთა, ეკონომიკის, განათლების, კულტურისა და სპორტის, შრომისა და სოციალური დაცვის სამინისტროების, ერევნის მუნიციპალიტეტის წარმომადგენლები, ასევე სხვა რეგიონული და ქალაქის სტუმრები.
