საქართველოს კულტურის მინისტრის ხელმძღვანელობით დელეგაცია ფარაჯანოვის მუზეუმსა და მატენადარანს ეწვია
სომხეთი ქართული კულტურის დღეებს აღნიშნავს. ამ დღესთან დაკავშირებით, სომხეთს საქართველოს კულტურის მინისტრის, თინათინ რუხაძის ხელმძღვანელობით დელეგაცია ეწვია.
საქართველოს კულტურის მინისტრი, სომხეთის რესპუბლიკის განათლების, მეცნიერების, კულტურისა და სპორტის მინისტრის მოადგილის, ალფრედ ქოჩარიანის თანხლებით, სერგეი ფარაჯანოვის მუზეუმს ეწვია. სტუმრები მუზეუმში დიდი კინორეჟისორის ცხოვრებისა და მოღვაწეობის შესახებ არსებულ ჩვენებებს, ასევე მუზეუმის დაარსების ისტორიას გაეცნენ.
საქართველოს კულტურის მინისტრმა, თინათინ რუხაძემ, მაღალი შეფასება მისცა მუზეუმის როლსა და მისიას მხატვარ ფარაჯანოვის მემკვიდრეობის შენარჩუნებასა და პოპულარიზაციაში. მან ასევე ჩანაწერი გააკეთა მუზეუმის სტუმრების წიგნში, სადაც თავისი შთაბეჭდილებები წარმოადგინა.
შემდეგ, საქართველოს დელეგაცია, განათლების, მეცნიერების, კულტურისა და სპორტის მინისტრის მოადგილის, ალფრედ ქოჩარიანის თანხლებით, მატენადარანს, მესროპ მაშტოცის სახელობის უძველესი ხელნაწერების სამეცნიერო-კვლევით ინსტიტუტს ეწვია.
საქართველოს კულტურის მინისტრმა, თინათინ რუხაძემ და სხვა სტუმრებმა დაათვალიერეს მატენადარანის სამუზეუმო კომპლექსი და სამეცნიერო შენობა, გაეცნენ სომხური წერილობითი მემკვიდრეობის შენარჩუნების სისტემას. უცხოენოვანი ხელნაწერების დარბაზში, საქართველოს კულტურის მინისტრმა განსაკუთრებული ყურადღება დაუთმო ქართული ხელნაწერების ნიმუშებს.
დელეგაციამ ასევე დაათვალიერა მატენადარანის რესტავრაციის განყოფილება. დირექტორმა არა ხზმალიანმა მათ უძველესი ხელნაწერების აღდგენისა და შენარჩუნების პროცესი გააცნო.
საქართველოს კულტურის მინისტრმა, თინათინ რუხაძემ, მაღალი შეფასება მისცა მატენადარანის სამეცნიერო საგამოფენო საქმიანობას და წერილობითი ძეგლების შენარჩუნების სომხურ კულტურას.
ქართული დელეგაცია ასევე ეწვია კომპანია „მეგერიანის ხალიჩებს“, სომხური ხალიჩების ქსოვის ხელოვნების გასაცნობად.
