სომხეთის შინაგან საქმეთა მინისტრი არფინე სარგსიანი ბრიუსელში ვიზიტის ფარგლებში 10 ივნისს შეხვდა შინაგან საქმეთა და მიგრაციის საკითხებში ევროკავშირის კომისარს მაგნუს ბრუნერს.
როგორც Armenpress-ი იტყობინება სრ შინაგან საქმეთა სამინისტროს პრესრელიზიდან, შეხვედრის დროს მხარეებმა განიხილეს ევროკავშირსა და სრ-ს შორის ვიზების ლიბერალიზაციის დიალოგის პროცესი და ხაზი გაუსვეს პრაქტიკული ნაბიჯების მნიშვნელობას. კომისარმა ბრუნერმა განაცხადა, რომ ევროპელი ექსპერტების დელეგაცია 24 ივნისს სომხეთს ეწვევა, რათა განიხილონ ევროკავშირსა და სრ-ს შორის ვიზების ლიბერალიზაციის სამოქმედო გეგმის პროექტის ვერსია.
ევროპულმა მხარემ კიდევ ერთხელ დაადასტურა მზადყოფნა, რაც შეიძლება მალე დაასრულოს და წარუდგინოს სამოქმედო გეგმა სომხურ მხარეს.
არფინე სარგსიანმა დეტალურად წარმოადგინა სომხეთში მიმდინარე რეფორმები და ხაზი გაუსვა სომხური მხარის მზადყოფნას, მაქსიმალური ძალისხმევა ჩადოს სამოქმედო გეგმის სწრაფ განხორციელებაში.
შემდგომი ნაბიჯების უფრო მჭიდროდ კოორდინაციისა და ქვეყანაში განხორციელებული მასშტაბური ცვლილებების გაცნობის მიზნით, მინისტრმა სარგსიანმა კომისარი ბრუნერი მომავალ წელს ერევანში მიიწვია.
