საქართველოს ბაზარზე 10,300 ყვავილი შემოვიდა, სომხეთში მხოლოდ 700 დაბრუნდა
რამდენიმე დღის წინ გავრცელდა ინფორმაცია, რომ საქართველომ სომხეთიდან სეზონური ყვავილების დიდი პარტიის, 10 000 ყვავილის იმპორტი აკრძალა. სომხეთის სურსათის უვნებლობის ინსპექტირების ორგანომ NEWS.am-ს განუცხადა, რომ საქართველოს საკონტროლო პუნქტამდე მიღწეული 11 000 ყვავილიდან მხოლოდ 700 დაბრუნდა სომხეთში, ხოლო საქართველოს ბაზარზე 10 300 ყვავილი შევიდა.
„ქართულმა მხარემ არ წარმოადგინა არანაირი ახსნა, არანაირი დოკუმენტი, თუ რატომ კრძალავს ამ 700 ყვავილის შემოტანას“, – იტყობინება SATM.
გავიხსენოთ, რომ რამდენიმე დღის წინ, 6 ივნისს, საქართველოს ფინანსთა სამინისტროს შემოსავლების სამსახურმა განაცხადა, რომ საქართველომ სომხეთიდან სეზონური ყვავილების დიდი პარტიის, 10 000 ყვავილის იმპორტი აკრძალა.
ოფიციალური განცხადების თანახმად, საქართველო-სომხეთის საზღვარზე ჩატარებული შემოწმების დროს, ქართველმა საბაჟო ოფიცრებმა „მცენარეებში საკარანტინო მავნებელი აღმოაჩინეს“.
აღსანიშნავია, რომ სომხეთი საქართველოში ყვავილების სიდიდით მეორე მიმწოდებელია: მხოლოდ მიმდინარე წლის პირველ ოთხ თვეში, ქართული წყაროების ცნობით, სომხეთიდან საქართველოში 1,3 მილიონი დოლარის ღირებულების ყვავილები შემოიტანეს.
