სომხეთი მიზნად ისახავს აზერბაიჯანთან სამშვიდობო შეთანხმების ხელმოწერის პროცესის დასრულებას და ეუთოს მინსკის ჯგუფის ფორმატში შექმნილი მოლაპარაკების სტრუქტურების დაშლას. Armenpress-ის ცნობით, ამის შესახებ პრემიერ-მინისტრმა ნიკოლ ფაშინიანმა პრაღაში გამართულ GLOBSEC 2025 კონფერენციის ფარგლებში განაცხადა.
„აზერბაიჯანი ეუთოს მინსკის ჯგუფის სტრუქტურების დაშლის საკითხს აყენებს და ზოგადად, ეს ჩვენთვის მისაღები დღის წესრიგია. თუმცა, არსებობს ძალიან მნიშვნელოვანი ნიუანსი: ჩვენ უნდა ვიყოთ დარწმუნებული, რომ გამოირიცხება სიტუაცია, როდესაც კონფლიქტის გვერდი აზერბაიჯანის ტერიტორიაზე იხურება, მაგრამ სომხეთის ტერიტორიის მიმართ ახალ პრეტენზიებად იქცევა“, – ხაზგასმით აღნიშნა ფაშინიანმა.
მან აღნიშნა, რომ ზოგიერთი აზერბაიჯანული წრეები სომხეთის სუვერენული ტერიტორიის დაახლოებით 60 პროცენტს „დასავლეთ აზერბაიჯანს“ უწოდებენ, რაც, მისი თქმით, სომხეთის მიმართ ტერიტორიულ პრეტენზიას წარმოადგენს.
„ჩვენი მიდგომაა სამშვიდობო შეთანხმების ხელმოწერა და ამავდროულად ამ მექანიზმების დაშლა. ვფიქრობ, რომ ამ ყველაფრის განხორციელება სულ მცირე წლის ბოლომდე უნდა ვეცადოთ“, – განაცხადა პრემიერ-მინისტრმა. მან დასძინა, რომ სომხეთი მზადაა სწრაფად გააგრძელოს კონსულტაციები აზერბაიჯანთან შეთანხმების ხელმოწერისა და რატიფიკაციის შესახებ.
