მადლიერები ვართ სომხეთის მთავრობის ამ აგრესიის დაგმობის მტკიცე პოზიციისთვის. ამის შესახებ ერევანში გამართულ პრესკონფერენციაზე განაცხადა სომხეთში ირანის საგანგებო და სრულუფლებიანმა ელჩმა მეჰდი სობჰანიმ.
„მადლიერებას ვუცხადებთ სომხეთის კეთილშობილ ხალხს მათი სოლიდარობისა და მხარდაჭერისთვის. ჩვენ ვგრძნობთ სომეხი ხალხის სულიერ მხარდაჭერას“, – აღნიშნა ელჩმა.
მანამდე, სომხეთის საგარეო საქმეთა სამინისტრომ განცხადება გაავრცელა, რომელშიც ნათქვამია, რომ ერევნის ოფიციალური ხელისუფლება გმობს ისრაელის თავდასხმას ირანზე და მოუწოდებს „საომარი მოქმედებების დაუყოვნებლივ შეწყვეტისა და საერთაშორისო სამართლის დაცვისკენ“.
