The Insider-ის ცნობით, რუსულმა „მატრიოშკა“ ბოტ ქსელმა ფაშინიანის წინააღმდეგ კამპანია დაიწყო
კრემლის მომხრე „მატრიოშკა“ ბოტ ქსელმა სომხეთის პრემიერ-მინისტრის, ნიკოლ ფაშინიანის წინააღმდეგ კამპანია დაიწყო. ამის შესახებ წერსT he Insider. ბოტები ავრცელებენ ინფორმაციას სადაც ფაშინიანს მიაწერენ „ახლო აღმოსავლეთში კორუფციის უმაღლეს დონეს“, „უარყოფს სომხების გენოციდს“, „იღებს ძლიერ დამამშვიდებლებს“. ინფორმაცია The Insider-ს სოციალურ ქსელ X-ზე („Блокировчик ботов“) რუსული ტროლების ქარხნების მკვლევარმა მიაწოდა.
ბოტები „მატრიოშკა“ 12 ივნისიდან აქვეყნებენ ფაშინიანის მისამართით კრიტიკულ პოსტებს. Twitter-სა და TikTok-ზე გამოჩნდა ფაშინიანის მთავრობის გამაკრიტიკებელი ვიდეოები. ზოგიერთი მათგანი „შენიღბულია“ისეთი მსხვილი მედია საშუალებების ვიდეოებად, როგორიცაა Euronews ან France 24, ზოგი კი მსოფლიოს უნივერსიტეტების პროფესორებთან ინტერვიუებია.
The Insider-ის მიერ განხილული ვიდეოების უმეტესობა ქვეყნის ამჟამინდელი ხელმძღვანელობის მიერ 1915-1923 წლების სომხების გენოციდთან დაკავშირებული საკითხებზე სავარაუდო გაჩუმებას ეძღვნება. ერთ-ერთ ასეთ ვიდეოში, კანადის მაუნთ ალისონის უნივერსიტეტის პროფესორი, ჯოშ კურეკი, სავარაუდოდ, ამბობს, რომ შოკირებული იყო იმ ფაქტით, რომ მის სომეხ სტუდენტებს უმალავდნენ გენოციდის ისტორიებს.
„ბოლო შვიდი წლის განმავლობაში, სომხეთის ოფიციალურ მედიაში თითქმის არ საუბრობდნენ სომეხთა გენოციდზე, როგორც მე-20 საუკუნის დასაწყისის ერთ-ერთ ყველაზე ტრაგიკულ და მნიშვნელოვან მოვლენაზე“, – ამბობს კურეკი კადრს მიღმა. თუმცა, ვიდეოს მხოლოდ პირველი ხუთი წამი იყო აღებული უნივერსიტეტის სოციალური ქსელებიდან. 2024 წლის ოქტომბერში გამოქვეყნებულ ვიდეოში კიურეკი რეალურად საუბრობს ეკოლოგიაში წყალშემკრები აუზების კონცეფციიდან. მედია საშუალება აღნიშნავს, რომ სომხეთის ხელისუფლების მიერ მე-20 საუკუნის დასაწყისის გენოციდის უარყოფასთან დაკავშირებული ბრალდებები მთლიანად სიმართლეს არ შეესაბამება. იანვარსა და მარტში ფაშინიანმა მართლაც გააკეთა არაერთი განცხადება, რომლებიც მკაცრად გააკრიტიკეს ტრაგედიის ხსოვნის მნიშვნელობის შემცირების კონტექსტში. კერძოდ, მან კითხვა წამოჭრა: „როგორ მოხდა, რომ სომხების გენოციდის საკითხი დღის წესრიგში არ იყო 1939 წელს და როგორ მოხდა, რომ სომხების გენოციდის საკითხი დღის წესრიგში 1950 წელს გამოჩნდა? როგორ მოხდა ეს?“ „ჩვენ უნდა გადავხედოთ სომხების გენოციდის ისტორიას. ჩვენ უნდა გავიგოთ, რა მოხდა, რატომ მოხდა და ვისი მეშვეობით აღვიქვამდით მოვლენებს“, – განაცხადა სომხეთის პრემიერ-მინისტრმა.
გაზეთი აღნიშნავს, რომ მიუხედავად ამისა, 2025 წლის აპრილში, სომხების გენოციდის 110 წლისთავზე, იგი ქვეყნის პრეზიდენტთან ერთად წიწერნაკაბერდის მემორიალურ კომპლექსს ეწვია. აღნიშნულია, რომ სხვა ვიდეოებიც „შენიღბულია“, როგორც სოციალური მედიის ქსელებიდან აღებული ვიდეოები. ესენია Euronews, France 24, თურქული Yeni Şafak და სომხური tert.am.
ერთ-ერთი ასეთი ვიდეო, რომელიც Euronews არხს მიეწერება, ამტკიცებს, რომ სომხეთი კორუფციის ლიდერია ახლო აღმოსავლეთის ქვეყნებს შორის. ამავდროულად, „საერთაშორისო გამჭვირვალობის“ კორუფციის აღქმის ინდექსის მიხედვით, სომხეთს მეზობელ ქვეყნებს შორის ერთ-ერთი საუკეთესო მაჩვენებელი აქვს (100-დან 47 ქულა). საქართველო უფრო მაღალ პოზიციაზეა (53), ხოლო მეზობელი თურქეთი (34) და აზერბაიჯანი (22) მნიშვნელოვნად ჩამორჩებიან სომხეთს.
ვიდეო, რომელიც თურქული გაზეთ „იენი შაფაკ“-ის სახელით არის „შენიღბული“, ამტკიცებს, რომ ფაშინიანი „ძლიერ დამამშვიდებლებს“ იღებს. ამის შესახებ, სავარაუდოდ, ამერიკელმა ნევროლოგმა ნენსი ანდრეასენმა განაცხადა. თუმცა, ღია წყაროებში ასეთი ინფორმაცია არ არსებობს.
ანგარიშის „Блокировчик ботов“ ავტორმა The Insider-ს განუცხადა, რომ ეს პირველი შემთხვევაა, როდესაც „მატრიოშკას“ ქსელმა ნიკოლ ფაშინიანი მიზანში ამოიღო. საინფორმაციო თავდასხმის ერთ-ერთი შესაძლო მიზეზი შეიძლება იყოს სომხეთის პრემიერ-მინისტრის ანკარაში 20 ივნისს დაგეგმილი ვიზიტი. ამას ადასტურებს ის ფაქტი, რომ ზოგიერთი ვიდეო ყალბი თურქული მედიის სახელით გავრცელდა. მედია საშუალება წერს, რომ დეზინფორმაციული კამპანია შეიძლება ფაშინიანსა და ოპოზიციას შორის წინააღმდეგობების გამწვავებას უკავშირდებოდეს.
გარდა ამისა, მითითებულია პრემიერ-მინისტრსა და სომხურ სამოციქულო ეკლესიას შორის კონფლიქტი, რომლის დროსაც ფაშინიანი მაღალი წოდების სასულიერო პირებს ცელიბატის ფიცის დარღვევაში ადანაშაულებს.
