ისრაელის თავდასხმა ირანზე სპარსეთის ყურის ქვეყნებისთვის მოულოდნელი აღმოჩნდა. Bloomberg
Bloomberg-ის წყაროებზე დაყრდნობით, ირანის წინააღმდეგ ისრაელის სამხედრო მოქმედება ბირთვული შეთანხმების მოლაპარაკებების დროს სპარსეთის ყურის არაბული ქვეყნებისთვის მოულოდნელი აღმოჩნდა.
მათი თქმით, არაბულმა სახელმწიფოებმა იცოდნენ ისრაელის განზრახვების შესახებ, მაგრამ შოკირებულები იყვნენ ისრაელის პრემიერ-მინისტრის, ბენიამინ ნეთანიაჰუს გადაწყვეტილებით, დაერტყა ირანისთვის მას შემდეგ, რაც შეერთებულ შტატებთან ბირთვული შეთანხმების შესახებ მოლაპარაკებები მიმდინარეობდა. წყაროების ცნობით, სპარსეთის ყურის სახელმწიფოებმა იგრძნეს, რომ მათ გადაჭარბებულად შეაფასეს აშშ-ის პრეზიდენტ დონალდ ტრამპის შესაძლებლობები ნეთანიაჰუს შეკავების საკითხში.
Bloomberg-ის თანამოსაუბრეებმა აღნიშნეს, რომ არაბული სახელმწიფოები წლების განმავლობაში მუშაობდნენ ირანთან დაძაბულობის შესამსუბუქებლად, მათ შორის მილიარდობით დოლარის ინვესტირებას ახორციელებდნენ ისლამური რესპუბლიკის ეკონომიკაში, რათა დაერწმუნებინათ ის რაიმე სახის ბირთვული შეთანხმების ხელმოწერაში.
არაბული ქვეყნები შიშობენ, რომ თეირანი შეიძლება თავს დაესხას მათ ნავთობის ინფრასტრუქტურას და ჩაშალოს ეკონომიკური განვითარების გეგმები რეგიონში. გარდა ამისა, სპარსეთის ყურის სახელმწიფოები „სერიოზულად განიხილავენ“ რეჟიმის შეცვლისა და ქაოსის შესაძლებლობას ირანში, თუ შეერთებული შტატები გადაწყვეტს ქვეყანაზე დარტყმის განხორციელებას.
