ვიზიტი არაფერს ახალს, ფუნდამენტურს არ მოიტანს. რუბენ საფრასტიანი ფაშინიანის თურქეთში ვიზიტზე
არ მგონია, რომ თურქეთის პრეზიდენტისა და სომხეთის პრემიერ-მინისტრის შეხვედრას სტამბოლში რაიმე კავშირი ჰქონდეს ირან-ისრაელის ომთან, სავარაუდოა, რომ გადაწყვეტილება ადრე იყო მიღებული. ამის შესახებ თურქოლოგმა რუბენ საფრასტიანმა ჟურნალისტებთან საუბრისას აღნიშნა.
„ჩვენ ვიცით, რომ სომხეთის საგარეო საქმეთა მინისტრის მოადგილე იქ ერთი კვირის წინ ვიზიტისთვის მოსამზადებლად გაემგზავრა.
ვერ ვიტყვი, როგორ წარიმართება სომხეთ-თურქეთის ურთიერთობების ნორმალიზების პროცესი. ჩემი ზოგადი შთაბეჭდილებაა, რომ ვიზიტი ფუნდამენტურად ახალს არაფერს მოიტანს და თურქეთი შეინარჩუნებს თავის პოზიციას, თურქეთის პოზიცია კი ისაა, რომ თავად ერდოღანმა არაერთხელ განაცხადა, რომ სანამ აზერბაიჯანთან ხელშეკრულება ან შეთანხმება არ გაფორმდება, თურქეთი სომხეთთან ურთიერთობების ნორმალიზების კუთხით არანაირ ნაბიჯს არ გადადგამს. ვფიქრობ, ეს შენარჩუნდება და ვიზიტი ამ მხრივ რაიმე შედეგს არ გამოიღებს“, – თქვა მან.
