სომხეთის რესპუბლიკის ელჩი საქართველოში აშოტ სმბატიანი ქვეყნის ფინანსთა სამინისტროს შემოსავლების სამსახურის უფროსს ირაკლი ბერაიას შეხვდა.
Armenpress-ის ცნობით, ამის შესახებ საქართველოში სომხეთის რესპუბლიკის საელჩოს მიერ გავრცელებულ განცხადებაშია ნათქვამი.
აღნიშნულია, რომ ელჩმა სმბატიანმა ირაკლი ბერაიას თანამდებობის დაკავება მიულოცა.
საელჩოს ცნობით, შეხვედრაზე სომხეთსა და საქართველოს შორის სავაჭრო-ეკონომიკურ ურთიერთობებთან დაკავშირებული საკითხების ფართო სპექტრი განიხილეს.
