საქართველოდან სომხეთის, აზერბაიჯანის და კიდევ 10 ქვეყნის მოქალაქეები დეპორტირებულნი იქნენ

ბოლო ორი კვირის განმავლობაში საქართველოდან 41 უცხოელი დეპორტირებული იქნა, რომლებიც ქვეყანაში კანონიერი საფუძვლის გარეშე იმყოფებოდნენ. ამის შესახებ „ნოვოსტი გრუზიას“ საქართველოს შინაგან საქმეთა სამინისტროს პრესსამსახურმა განუცხადა.

დეპორტირებულებს შორის იყვნენ აზერბაიჯანის, თურქეთის, თურქმენეთის, ინდოეთის, იორდანიის, ირანის, ნეპალის, პაკისტანის, რუსეთის, სამხრეთ აფრიკის, სომხეთის და ზიმბაბვეს მოქალაქეები. ყველა მათგანს ქვეყანაში შესვლა აეკრძალა.

ივნისის განმავლობაში საქართველოდან 124 უცხოელი მოქალაქე იქნა დეპორტირებული.  2025 წლის პირველ ნახევარში კი – 525, რაც 280%-ით მეტია გასული წლის ანალოგიურ პერიოდთან შედარებით.