ჩვენ დიდად ვაფასებთ სომხეთის ნაბიჯებს აზერბაიჯანთან და თურქეთთან ურთიერთობების ნორმალიზების მიმართულებით: ანტონიო კოსტა
მნიშვნელოვანი შეხვედრა გაიმართა ნიკოლ ფაშინიანთან და ურსულა ფონ დერ ლაიენთან, რათა კიდევ ერთხელ დადასტურდეს ევროკავშირსა და სომხეთს შორის განვითარებადი პარტნიორობა. ამის შესახებ დაწერა ევროპული საბჭოს პრეზიდენტმა ანტონიო კოსტამ თავის X-ში.
„ევროკავშირი მტკიცედ უჭერს მხარს სომხეთის ამბიციური რეფორმების დღის წესრიგს. ჩვენ დიდად ვაფასებთ სომხეთის ძალისხმევას სამხრეთ კავკასიაში სტაბილურობის უზრუნველსაყოფად, კერძოდ, მის მუდმივ ჩართულობას აზერბაიჯანთან სამშვიდობო მოლაპარაკებებში და მის ნაბიჯებს თურქეთთან ურთიერთობების ნორმალიზების მიმართულებით. ევროკავშირსა და სომხეთს შორის ცოტა ხნის წინ შეთანხმებული პარტნიორობის ჩარჩო ახალ თავს ხსნის ჩვენს ურთიერთობებში, რაც ხელს უწყობს რეგიონული და ეკონომიკური კავშირების უფრო მჭიდროდ ჩამოყალიბებას. ჩვენ მოუთმენლად ველით სომხეთში ევროპის პოლიტიკური თანამეგობრობის 2026 წლის სამიტის მასპინძლობას“, – წერს კოსტა.
