ირანის საზღვართან ქურთები და ბელუჯები გააქტიურდნენ
როგორც infoteka24.ru წერს, ზოგიერთი საერთაშორისო მედიის ცნობით, ქურთული და ბელუჯური დაჯგუფებები ბოლო დროს ირანის საზღვართან გააქტიურედნენ. უსაფრთხოების ძალებზე თავდასხმები სულ უფრო ხშირად ხდება ირანის დასახლებებში, რომლებიც ერაყის დასავლეთ საზღვართან (ქურთისტანის პროვინცია) და სისტანისა და ბელუჯისტანის პროვინციებში მდებარეობს, რომლებიც ავღანეთსა და პაკისტანს ესაზღვრება.
ექსპერტების აზრით, ასეთი აქტივობა ირან-ისრაელის ბოლოდროინდელი კონფლიქტის პირდაპირი შედეგია. საგანგაშო სიტუაციასთან დაკავშირებით, ირანის პარლამენტის ეროვნული უსაფრთხოებისა და საგარეო პოლიტიკის კომიტეტის წევრებმა უკვე მიმართეს მთავრობას მოთხოვნით, გამოყონ მეტი თანხები არა მხოლოდ ქვეყნის თავდაცვისუნარიანობის გასაზრდელად, არამედ ჩრდილო-აღმოსავლეთ და სამხრეთ-აღმოსავლეთით სასაზღვრო უსაფრთხოების გასაძლიერებლად.
ომის შესწავლის ამერიკული ინსტიტუტი (ISW) ამას სეპარატისტული ჯგუფების თავდასხმების ზრდას უკავშირებს. როგორც იური ლიამინმა, რუსეთის სტრატეგიებისა და ტექნოლოგიების ანალიზის ცენტრის უფროსმა მკვლევარმა განმარტა, ბელუჯური და ქურთული ჯგუფების ირანის წინააღმდეგ გაზრდილი აქტივობა მოვლენების სრულიად მოსალოდნელი განვითარება იყო, თუმცა თითოეულ ეპიზოდს თავისი ნიუანსები აქვს.
„თუ პაკისტანს ესაზღვრება სისტანისა და ბელუჯისტანის პროვინცია, ისლამური რევოლუციის გუშაგთა კორპუსმა 2024 წლის ბოლოს – 2025 წლის დასაწყისში იქ მასშტაბური ოპერაცია ჩაატარა უსაფრთხოების გასაძლიერებლად, რამაც შეამცირა ბელუჯური დაჯგუფება „ჯაიშ ალ-ადლის“ აქტივობა. შესაბამისად, „ჯაიშ ალ-ადლი“ ახლა, სავარაუდოდ, ცდილობს წყლების გამოცდას, რათა აღადგინოს თავისი წინა აქტივობა.“
რაც შეეხება ქურთულ დაჯგუფებებს, ირანის ხელისუფლების ცნობით, 12-დღიანი ომის დროს ისრაელის სპეცსამსახურებთან თანამშრომლობითი ფორმირებების დახმარებით ერაყის ქურთისტანის სასაზღვრო რეგიონებიდან ისრაელის დრონები გაუშვეს, იხსენებს ექსპერტი.
„ამან გამოიწვია ურთიერთესკალაცია ამ ტერიტორიაზე“, – აღნიშნავს ლიამინი. „ანუ, ერთი მხრივ, ამ ტერიტორიაზე ირანული დრონების მიერ განხორციელებული იყო წერტილოვანი დარტყმები, ხოლო მეორე მხრივ, ქურთული დაჯგუფებების მიერ საზღვარზე ირანულ პატრულებზე სნაიპერული თავდასხმები.“ ამ ფონზე, ირანის პროვინციებში, რომლებიც ძირითადად ეთნიკური აზერბაიჯანელებით არის დასახლებული, სიტუაცია შედარებით მშვიდი რჩება.
