რუსეთი სომხეთის, აშშ-სა და აზერბაიჯანის მიერ ხელმოწერილი დეკლარაციით შექმნილი ტრამპის გზის პროექტის დეტალებს შეისწავლის.
Armenpress-ის ცნობით, როგორც „კომერსანტი“ იტყობინება, ამის შესახებ ბრიფინგზე რუსეთის საგარეო საქმეთა სამინისტროს ინფორმაციისა და პრესის დეპარტამენტის დირექტორის მოადგილემ ალექსეი ფადეევმა განაცხადა.
„რაც შეეხება ტრამპის გზას“, რუსეთის საგარეო საქმეთა სამინისტრო პროექტის დეტალებს შეისწავლის, რომლებიც, სხვათა შორის, ჯერ არ გამოქვეყნებულა. როგორც უკვე აღვნიშნეთ, სამხრეთ კავკასიაში რეგიონგარეშე ძალების ჩართვამ ხელი უნდა შეუწყოს მშვიდობის დღის წესრიგის წინსვლას და არა ახალი პრობლემებისა და ახალი გამყოფი ხაზების შექმნას“, – განაცხადა ფადეევმა.
მან ხაზგასმით აღნიშნა, რომ ამ პროექტის განხორციელებისას აუცილებელია გავითვალისწინოთ სომხეთის წევრობა ევრაზიის ეკონომიკურ კავშირში, ასევე რუსი მესაზღვრეების ყოფნა სიუნიქის რეგიონში.
სომხეთის პრემიერ-მინისტრმა ნიკოლ ფაშინიანმა, აშშ-ის პრეზიდენტმა დონალდ ტრამპმა და აზერბაიჯანის პრეზიდენტმა ილჰამ ალიევმა 8 აგვისტოს ვაშინგტონში ხელი მოაწერეს დეკლარაციას „ტრამპის მარშრუტი საერთაშორისო მშვიდობისა და კეთილდღეობისთვის“. დეკლარაციის მე-4 პუნქტში, კერძოდ, ნათქვამია:
„სომხეთის რესპუბლიკა იმუშავებს ამერიკის შეერთებულ შტატებთან და ურთიერთშეთანხმებულ მესამე მხარეებთან, რათა განსაზღვროს ჩარჩო „ტრამპის მარშრუტი საერთაშორისო მშვიდობისა და კეთილდღეობისთვის“ (TRIPP) საკომუნიკაციო პროგრამის სომხეთის რესპუბლიკის ტერიტორიაზე განხორციელებისთვის. ჩვენ ვადასტურებთ ჩვენს გადაწყვეტილებას, რომ კეთილი ნებით მივიღოთ ყველა ზომა ამ მიზნის რაც შეიძლება სწრაფად მისაღწევად“.
