დიპლომატიური მისიების ხელმძღვანელების ყოველწლიურ სემინარზე გამოსვლისას, სომხეთის პრემიერ-მინისტრმა ნიკოლ ფაშინიანმა სომხურ-აზერბაიჯანულ ურთიერთობებს შეეხო და ხაზი გაუსვა ურთიერთნდობის საკითხს და დიპლომატიის როლს მის დაძლევაში.
პრემიერ-მინისტრმა აღნიშნა, რომ სომხეთის საჯარო დისკურსში ხშირად ჩნდება კითხვა „როგორ შეგვიძლია ვენდოთ აზერბაიჯანს?“. ფაშინიანის თქმით, სწორედ აქ დევს მთავარი პრობლემა. „პრობლემა ნდობის ეტაპობრივად ჩამოყალიბებაშია. მეტსაც ვიტყოდი: სომხეთი და აზერბაიჯანი ერთმანეთს თუ ენდობიან, უბრალოდ არანაირი დოკუმენტის ხელმოწერა არ იქნებოდა საჭირო. დიპლომატია უნდობლობის გარემოში ნდობისთვის რაიმე პატარა საყრდენი წერტილის ან თეორიული შესაძლებლობის შექმნაა“, – თქვა ფაშინიანმა.
