2025 წლის 5 სექტემბერს, ორი სახელმწიფოს დელეგაციები, სომხეთის რესპუბლიკის ვიცე-პრემიერ მინისტრის მჰერ გრიგორიანის და აზერბაიჯანის რესპუბლიკის ვიცე-პრემიერ მინისტრის შაჰინ მუსტაფაევის ხელმძღვანელობით, ორმხრივი ვიზიტებით იმყოფებოდნენ სომხეთის რესპუბლიკისა და აზერბაიჯანის რესპუბლიკის ტერიტორიებზე, იტყობინება სომხეთის საგარეო საქმეთა სამინისტრო.
„2025 წლის 8 აგვისტოს ვაშინგტონში მიღწეული შეთანხმებების შესაბამისად, მხარეებმა განიხილეს სასაზღვრო ხაზის შესაბამისი დემარკაციისა და განაღმვის საკითხები, ასევე საჭირო ინფრასტრუქტურის აღდგენა-მშენებლობა და მათი განხორციელების ვადები, კომუნიკაციების შექმნის სფეროში მოქმედებების სინქრონიზაციის მიზნით.
დელეგაციების ხელმძღვანელებმა გაცვალეს მოსაზრებები სომხეთისა და აზერბაიჯანის რესპუბლიკას შორის სასაზღვრო უსაფრთხოების კომისიის და აზერბაიჯანისა და სომხეთის რესპუბლიკას შორის სახელმწიფო საზღვრის დემარკაციის სახელმწიფო კომისიის შემდეგი შეხვედრის ორგანიზების შესახებ“, – ნათქვამია განცხადებაში.
