სომხეთის რესპუბლიკის პრემიერ-მინისტრმა ნიკოლ ფაშინიანმა განაცხადა, რომ სომხეთში სისტემური კორუფცია 2018 წლის რევოლუციის შემდეგ აღმოიფხვრა.
Armenpress-ის ცნობით, პრემიერ-მინისტრმა ამის შესახებ აღნიშნა დემოკრატიის სომხური ფორუმის ფარგლებში გამართულ პანელურ დისკუსიაზე თემაზე „დემოკრატიის ხარისხი სომხეთში: გამოწვევები და შეფასების ინდიკატორები“.
„სისტემური კორუფციის არსებობის შემთხვევაში, მე ჩემი წილი მექნებოდა ყველა იმ კორუფციულ საქმეში, რომლის შესახებაც თქვენ იცით. ვერ გკითხავთ, მაქვს თუ არა წილი, რადგან ვიცი, წილი მაქვს თუ არ მაქვს. და გეუბნებით, რომ სომხეთში სისტემური კორუფცია არ არსებობს, არ ყოფილა და არც იქნება“, – თქვა პრემიერ-მინისტრმა.
ფაშინიანმა აღნიშნა, რომ მოქმედი მთავრობის მიერ კორუფციის წინააღმდეგ ბრძოლა ხშირად თავად მთავრობის წინააღმდეგ გამოიყენება.
„სომხეთში არასდროს ყოფილა ასეთი რამ, რომ მოქმედი მინისტრი ბრალდებულად ჩათვალონ, რომ ურბანული განვითარების კომიტეტის მოქმედი ხელმძღვანელი მექრთამეობისთვის დააკავონ, რომ აღარაფერი ვთქვათ სხვა მაღალჩინოსნებზე“, – აღნიშნა სომხეთის პრემიერ-მინისტრმა. ნიკოლ ფაშინიანმა ხაზგასმით აღნიშნა, რომ სამწუხაროდ, კორუფცია მსოფლიოს ყველა ქვეყანაში არსებობს, თუმცა სომხეთში სისტემური კორუფცია აღმოიფხვრა.
