სომხეთის რესპუბლიკის პრემიერ-მინისტრი ნიკოლ ფაშინიანი მოსკოვში გლობალურ ატომურ სამიტში მიიღებს მონაწილეობას.
Armenpress-ის ცნობით, ამის შესახებ იუწყება კრემლის პრესსამსახური.
აღინიშნება, რომ 25 სექტემბერს რუსეთის პრეზიდენტი ვლადიმერ პუტინი სიტყვით გამოვა რუსეთის ატომური ინდუსტრიის 80 წლისთავისადმი მიძღვნილ გლობალურ ატომურ სამიტზე.
„რუსეთის პრეზიდენტთან ერთად სამიტში მონაწილეობას მიიღებენ ბელარუსის რესპუბლიკის პრეზიდენტი ალექსანდრ ლუკაშენკო, მიანმარის კავშირის რესპუბლიკის მოქმედი პრეზიდენტი მინ აუნ ჰლაინი, სომხეთის რესპუბლიკის პრემიერ-მინისტრი ნიკოლ ფაშინიანი, ეთიოპიის ფედერალური დემოკრატიული რესპუბლიკის პრემიერ-მინისტრი აბი აჰმედი, ატომური ენერგიის საერთაშორისო სააგენტოს გენერალური დირექტორი რაფაელ გროსი, ასევე ირანის ისლამური რესპუბლიკის, უზბეკეთის რესპუბლიკის, ეგვიპტის არაბული რესპუბლიკის, ნიგერის რესპუბლიკის და რიგი სპეციალიზებული ორგანიზაციების წარმომადგენლები“, – აღნიშნულია განცხადებაში.
