სომხეთის მთავრობამ სომხეთის რესპუბლიკასა და საფრანგეთის განვითარების სააგენტოს (FDA) შორის ახალი სესხის ხელშეკრულება დაამტკიცა.
Armenpress-ის ცნობით, შესაბამისი პროექტი 25 სექტემბერს მთავრობის სხდომაზე წარადგინა სომხეთის ფინანსთა მინისტრმა ვაჰე ჰოვანესიანმა.
„ხელშეკრულება ითვალისწინებს 150 მილიონი ევროს საბიუჯეტო სესხს, რომელიც მიმართული იქნება სომხეთში საზოგადოებრივი მომსახურების მიწოდების ეფექტურობისა და მდგრადობის უზრუნველყოფაზე, ასევე ფინანსური სექტორის განვითარების გაუმჯობესებაზე. სესხი მოიცავს მრავალწლიანი პროგრამის მესამე ფაზას (2019–2025) და განხორციელდება აზიის განვითარების ბანკის თანადაფინანსებით“, – განაცხადა ჰოვჰანნისიანმა.
პროგრამის ძირითადი მიზნებია: სახელმწიფო ფინანსების მართვის ეფექტურობის გაზრდა, დაბალნახშირბადიან და მდგრად ეკონომიკაზე გადასვლის დაგეგმვა და დაფინანსება, სახელმწიფო ფასიანი ქაღალდების გამოშვებისა და მართვის ჩარჩოს გაძლიერება და სამეწარმეო საქმიანობის დაფინანსების ახალი ინსტრუმენტების შემუშავება.
სესხი 20 წლით არის გათვლილი, აქვს ერთწლიანი შეღავათიანი პერიოდი და დაფარვადია 38 ნახევარწლიური გადახდით, 2026 წლიდან.
