სომხეთი შეუერთდა გერმანულ პლატფორმას „იმპორტის ხელშეწყობის მაგიდა“, სადაც სომეხ ექსპორტიორებს შესაძლებლობა ექნებათ შეხვდნენ გერმანიის უმსხვილეს იმპორტიორებს. „არმენპრეს“-ის ცნობით, ამის შესახებ სომხეთის ეკონომიკის მინისტრმა გევორგ პაპოიანმა გერმანიიდან გადაღებულ ვიდეოში განაცხადა.
„სომხეთი შეუერთდა გერმანულ პლატფორმას „იმპორტის ხელშეწყობის მაგიდა“, სადაც ჩვენს ექსპორტიორებს შესაძლებლობა აქვთ შეხვდნენ გერმანიის უმსხვილეს იმპორტიორებს. ეს ჩვენს ექსპორტიორებს საშუალებას აძლევს, გაცილებით მარტივად გამოჩნდნენ გერმანიის ბაზარზე და გაცილებით მარტივად გაიტანონ პროდუქცია გერმანიაში“, – განაცხადა პაპოიანმა.
სომხეთის გერმანულ „იმპორტის ხელშეწყობის მაგიდაში“ (IPD) ჩართვის გადაწყვეტილება სომხეთ-გერმანიის სამთავრობათაშორისო კომისიების ერთობლივ სხდომაზე იქნა მიღებული. პაპოიანმა ხაზგასმით აღნიშნა, რომ ეს სომეხ ბიზნესმენებს საშუალებას მისცემს გააფართოვონ ექსპორტის გეოგრაფია, უზრუნველყონ მათი ყოფნა გერმანიის ბაზარზე და გაზარდონ სომხური პროდუქციის ცნობადობა.
IPD ინიციატივა ხიდის როლს ასრულებს, რომელიც პარტნიორი ქვეყნების კომპანიებს გერმანიასა და ევროკავშირში სანდო იმპორტიორებთან აკავშირებს. პროგრამა უზრუნველყოფს ტექნიკურ დახმარებას, ბაზარზე წვდომის მხარდაჭერას და ექსპორტის შესაძლებლობების განვითარების მიზნობრივ პროგრამებს.
