სომხეთის რესპუბლიკის პრემიერ-მინისტრი, ნიკოლ ფაშინიანი, მიიჩნევს, რომ აზერბაიჯანთან ურთიერთობების დარეგულირების პროცესში დიალოგის არსებობას გადამწყვეტი მნიშვნელობა აქვს․
Armenpress-ის კითხვის საპასუხოდ, რომ აზერბაიჯანელი და სომეხი ექსპერტების ბაქოსა და ერევანში ორმხრივი ვიზიტების პარალელურად, აზერბაიჯანელი ჩინოვნიკებისა და მეცნიერების გამოსვლაში არაფერი იცვლება, ნიკოლ ფაშინიანმა აღნიშნა: „დიალოგის ნაკლებობის გამოა, რომ სომხები ხედავენ, რომ აზერბაიჯანელების გამოსვლაში არაფერი იცვლება, აზერბაიჯანელები, მათი შეფასებით, ხედავენ, რომ სომხების გამოსვლაში არაფერი იცვლება. 37-წლიანი კონფლიქტი 5 ექსპერტის 2 შეხვედრის შედეგად ვერ შეიცვლება, მის შესაცვლელად პროცესი უნდა წარიმართოს“, – თქვა ფაშინიანმა. მრგვალი მაგიდის დისკუსია 21-22 ნოემბერს აზერბაიჯანის დედაქალაქ ბაქოში გაიმართა, რომელშიც სომხეთის წარმომადგენელი 5 ექსპერტი მონაწილეობდა. მსგავსი დისკუსია რამდენიმე კვირის წინ ერევანშიც გაიმართა აზერბაიჯანელი ექსპერტების მონაწილეობით.
