სომხეთის რესპუბლიკის საგარეო საქმეთა მინისტრი არარატ მირზოიანი 2-3 დეკემბერს სამუშაო ვიზიტით ბრიუსელს ეწვევა․
Armenoress-ის ცნობით, ამის შესახებ ინფორმაცია გაავრცელა სომხეთის საგარეო საქმეთა სამინისტრომ, სადაც განმარტეს, რომ 2 დეკემბერს არარატ მირზოიანის ხელმძღვანელობით სომხეთ-ევროკავშირის პარტნიორობის საბჭოს მე-6 შეხვედრა გაიმართება.
განხილვის შედეგების შემდეგ სომხეთის საგარეო საქმეთა მინისტრი, ევროკავშირის საგარეო პოლიტიკის საკითხებში უმაღლესი წარმომადგენელი კაია კალასი და ევროკავშირის გაფართოების კომისარი მართა კოსი ერთობლივ პრესკონფერენციას გამართავენ․
3 დეკემბერს, მინისტრი მირზოიანი სიტყვით გამოვა აღმოსავლეთ პარტნიორობის სამოქალაქო საზოგადოების ფორუმის მე-2 სამიტზე.
დაგეგმილია ასევე ორმხრივი შეხვედრები․
