სომხეთის გარშემო ბოლო დროს მიმდინარე პროცესების მიმართ ყველგან დადებითი განწყობაა – ალენ სიმონიანი
გუშინ გამართულ ბრიფინგზე ეროვნული კრების თავმჯდომარე ალენ სიმონიანი შეეხო ბოლო წლებში სომხეთის გარშემო მიმდინარე პოლიტიკურ პროცესებზე საერთაშორისო რეაქციებს და ხაზი გაუსვა, რომ მათ მიმართ ძირითადად დადებითი დამოკიდებულებაა.
„არმენპრეს“-ის ცნობით, ეროვნული კრების თავმჯდომარემ განაცხადა, რომ დადებითი მიდგომა შეინიშნება როგორც ევროპაში, ასევე აშშ-ში, ასევე მეზობელ ქვეყნებში – თურქეთში, საქართველოში, ირანსა და აზერბაიჯანში.
„თქვენ შენიშნეთ, რომ სომხეთში ბოლო წლებში მიმდინარე პროცესების მიმართ ყველგან დადებითი დამოკიდებულებაა – ევროპაში, აშშ-ში, ჩვენს ყველა მეზობელში – თურქეთში, საქართველოში, ირანში, აზერბაიჯანში, გარდა ჩვენი ზოგიერთი ოპოზიციური წრის და ზოგიერთი რუსი პროპაგანდისტისა“, – განაცხადა ეროვნული კრების თავმჯდომარემ.
ალენ სიმონიანის თქმით, რუსეთის ხელისუფლებაც კი დადებითად საუბრობს, რადგან ისინი პოლიტიკურად უფრო ინფორმირებულები არიან, უკეთ ესმით სიტუაცია.
