რუსეთმა და აზერბაიჯანმა სამხედრო თანამშრომლობა განიხილეს

მოსკოვში აზერბაიჯანის ელჩი რახმან მუსტაფაევი რუსეთის თავდაცვის სამინისტროს ეწვია, სადაც მინისტრის მოადგილე ვასილი ოსმაკოვს შეხვდა.

როგორც აზერბაიჯანული მედია იტყობინება, ამის შესახებ რუსეთის ფედერაციაში აზერბაიჯანის საელჩომ განაცხადა.

გავრცელებულია ინფორმაცია, რომ საუბრის დროს გაცვალეს მოსაზრებები თავდაცვის სამინისტროების სფეროში აზერბაიჯან-რუსეთის თანამშრომლობის აქტუალურ საკითხებზე, განიხილეს წლევანდელი კონტაქტებისა და ორმხრივი ვიზიტების გრაფიკი.

აღნიშნულია, რომ ორივე მხარემ კიდევ ერთხელ დაადასტურა კონსტრუქციული ერთგულება ორმხრივი დიალოგისა და თანამშრომლობის შემდგომი განვითარების მიმართ, 2022 წლის 22 თებერვლის მოკავშირეთა თანამშრომლობის შესახებ დეკლარაციის შესაბამისად.