რუსეთმა ვერ შეძლო ამიერკავკასიაში პოზიციების შენარჩუნება – სატანოვსკი
ბოლო ათწლეულების განმავლობაში ჩვენი ყველა კავშირი ინგრევა. ამის შესახებ ახლო აღმოსავლეთის ინსტიტუტის პრეზიდენტმა, ევგენი სატანოვსკიმ, რუსულ ინტერნეტ ჟურნალ „სვობოდნაია პრესასთან“ ინტერვიუში განაცხადა.
„როგორი კავშირები გვაქვს ახლა ვენესუელასთან? და რა პოზიციები გვაქვს სირიაში? არც ერთი. რუსეთში აკრძალული ორგანიზაციის ყოფილი ხელმძღვანელი მოსკოვში ჩადის ვლადიმერ ვლადიმიროვიჩთან სასაუბროდ (საუბარია სირიის დროებითი ლიდერის, აჰმედ ალ-შარაას შეხვედრაზე პუტინთან).
რა პოზიციები გვაქვს ავღანეთში? ის ფაქტი, რომ ჩვენ ეს რეჟიმი უცნობი მიზეზის გამო მივიღეთ და უცნობი მიზეზის გამო შევწყვიტეთ თალიბების ტერორისტებად აღიარება, არ ნიშნავს, რომ ისინი ასეთები აღარ არიან. მაგალითად, მათ ავღანეთში ახლახან შემოიღეს მონობა – მონების სტატუსი. მე არ ვსაუბრობ ქალების წინააღმდეგ კანონებზე.
ჩვენ, რბილად რომ ვთქვათ, მოტყუებულები ვართ, როდესაც ჩვენს კავშირებსა და პოზიციებს ვაფასებთ, რადგან მათ შენარჩუნებას ვერ ვახერხებთ. ჩვენ ვერც კი დავრჩებოდით ცენტრალურ აზიასა და ამიერკავკასიაში, ჩვენი პოზიციები ყაზახეთში ვირტუალური რეალობაა. რუსეთმა თავისი პოზიციები 350 წლის განმავლობაში შექმნა და ახლა ეს 350 წლიანი ისტორია ნაგავში გადააგდეს. ჩვენ კი თეირანზე ვინერვიულებთ… თავად ნახავთ, რატომ“, – აღნიშნა სატანოვსკიმ.
