ზოგიერთმა სომხურმა სამხედრო-სამრეწველო კომპანიამ სამხედრო პროდუქციის ექსპორტის ლიცენზია მიიღო
გასულ წელს ზოგიერთმა სომხურმა სამხედრო-სამრეწველო კომპანიამ სახელმწიფოსგან სამხედრო პროდუქციის ექსპორტის ლიცენზია მიიღო.
„არმენპრეს“-ის ცნობით, ამის შესახებ სომხეთის რესპუბლიკის მაღალტექნოლოგიური მრეწველობის მინისტრმა მხითარ ჰაირაპეტმა 16 თებერვალს გამართულ პრესკონფერენციაზე განაცხადა.
მინისტრმა არ დააკონკრეტა, თუ კონკრეტულად რომელი სამხედრო პროდუქციის ექსპორტი იგეგმება სომხეთის რესპუბლიკიდან და აღნიშნა, რომ ეს კონფიდენციალური ინფორმაციაა.
მისი თქმით, განხორციელებული საკანონმდებლო ცვლილებებისა და სექტორული რეფორმების წყალობით, გაფართოვდა ადგილობრივი სამხედრო-სამრეწველო კომპანიების სახელმწიფო მხარდაჭერის ინსტრუმენტების ნაკრები. კერძოდ, შემუშავდა სახელმწიფო ტესტების ჩასატარებლად საჭირო პროტოტიპების შექმნის დაფინანსების პროცედურა, რომელიც სრულად კოორდინაციას უწევს ისეთი რთული პროცესების განხორციელების მთელ სისტემას, როგორიცაა სახელმწიფო ტესტები. გარდა ამისა, შემუშავდა სახელმწიფო ტესტების ჩასატარებლად საჭირო პროტოტიპების შექმნის დაფინანსების პროცედურა.
„ეს არის ინსტრუმენტების ახალი ნაკრები, რომელიც ფინანსურად დაეხმარება ჩვენს კომპანიებს სახელმწიფო ტესტების რთული და ძვირადღირებული პროცესის გავლაში“, – დააზუსტა მინისტრმა.
