2019 წლის 25 თებერვალს, პოლონეთის საერთაშორისო ურთიერთობების ინსტიტუტში (PISM), სომხეთის პრემიერ-მინისტრი ნიკოლ ფაშინიანი წაიკითხავს ლექციას თემაზე „სომხეთი და მშვიდობის ახალი არქიტექტურა სამხრეთ კავკასიაში“.
„ორ წელზე მეტია, სომხეთი საგარეო პოლიტიკაში ცვლილებებს განიცდის. რუსეთთან ყოფილი ოფიციალური ალიანსი, რომელიც გარემოებებით იყო გამოწვეული, თანდათან დაბალანსდება ევროკავშირთან და შეერთებულ შტატებთან უფრო მჭიდრო კავშირებით.
გარდა ამისა, ყარაბაღის საკითხზე სამ ათწლეულზე მეტი ხნის კონფლიქტის შემდეგ, სომხეთმა და აზერბაიჯანმა აშშ-ს მხარდაჭერით მშვიდობა დაამყარეს. უახლოეს მომავალში იგეგმება სამშვიდობო ხელშეკრულების დადება, საზღვრების გახსნა და ვაჭრობის განახლება.
ამერიკის მხარდაჭერით, სომხეთში „ტრამპის გზა საერთაშორისო მშვიდობისა და კეთილდღეობისკენ“, პროექტი TRIPP, განხორციელდება. ამ პროგრამების და სომხეთის ხელისუფლების მიერ განხორციელებული პოლიტიკის მომავალი განისაზღვრება მიმდინარე წლის ივნისში დაგეგმილი საპარლამენტო არჩევნების შედეგებით.
„პრემიერ-მინისტრი ნიკოლ ფაშინიანი ზემოთ აღნიშნულ გამოწვევებსა და შესაძლებლობებს განიხილავს და მზად იქნება აუდიტორიის კითხვებს უპასუხოს“, – ნათქვამია პოლონეთის საერთაშორისო ურთიერთობების ინსტიტუტის განცხადებაში.
