სომხეთის სახელმწიფო ვალის ტვირთი 2017 წელთან შედარებით 10 პროცენტით შემცირდა. პაპოიანი
“Armenpress”-ის ცნობით, სომხეთის ეკონომიკის მინისტრი გევორგ პაპოიანი თავის Facebook გვერდზე გამოქვეყნებულ ვიდეოში სომხეთის სახელმწიფო ვალის ირგვლივ განხილვებს შეეხო.
“ვალი, ვალი, ვალი… ის, რაზეც ბოლო დროს სომხეთში ბევრი საუბრობს. ბოლოს და ბოლოს, სომხეთის სახელმწიფო ვალი ბევრია თუ ცოტა, გაიზარდა თუ შემცირდა? სომხეთის სახელმწიფო ვალი 2017 წელს ჩვენი მშპ-ს 59 პროცენტს შეადგენდა, ხოლო 2025 წელს ის ჩვენი მშპ-ს 49 პროცენტს შეადგენს. სხვა სიტყვებით რომ ვთქვათ, ჩვენი სახელმწიფო ვალის ტვირთი შემცირდა, რაც იმას ნიშნავს, რომ ჩვენს ქვეყანაში სახელმწიფო ვალი, მიუხედავად იმისა, რომ აბსოლუტური რიცხვებით გაიზარდა, მომსახურება უფრო ადვილი გახდა და, როგორც ტვირთი, ჩვენი სახელმწიფოსა და სომეხი ხალხისთვის შემცირდა. მოდით, მაგალითს მოვიყვან: “წარმოვიდგინოთ ორი ოჯახი. ერთს თვეში მხოლოდ 200 ათასი დრამი შემოსავალი აქვს, მაგრამ არც კრედიტი აქვს, არც ვალი, მეორეს კი 100 მილიონი დოლარი აქვს და 20 მილიონი დოლარის სესხი აქვს. რომელი ოჯახი ცხოვრობს უკეთესად, რა თქმა უნდა, მეორე. ამიტომ, ვალის აბსოლუტური ოდენობა არ არის მნიშვნელოვანი, მნიშვნელოვანია ის, თუ რა ნაწილს იკავებს ის თქვენს შემოსავალში და ჩვენი ვალის ოდენობა სომხეთის შემოსავალში შემცირდა“, – განაცხადა სომხეთის რესპუბლიკის ეკონომიკის მინისტრმა.
